ሌቮፕላንት

ሌቮፕላንት አስተማማኝ እና ከፍተኛ ውጤታማነት ያለው በሴቷ የክንድ ቆዳ ስር የሚቀመጥ ባለነጠላ አካላዊ ቅመም የእርግዝና መከላከያ ነው ሲሆን በተፈለገ ጊዜ አስወጥቶ ማርገዝ ይቻላል፡፡ ሌቮፕላንት የተሰራው  በተፈጥሮ በሴቶች አካል ውስጥ የሚመረተውን ፕሮጀስትሮን ሆርሞን (አካላዊ ቅመም) ከሚመስል ፕሮጀስቲን የተባለ በሳይንሳዊ መንገድ የተፈበረከ ንጥረነገር ነው የያዙ ሁለት ቀጫጭን የክብሪት እንጨት የሚያክል መጠን ያላቸው የታሸጉ፣ ከማናቸውም ባክቴሪያና ረቂቅ ተህዋሲያን የፀዱ ፣ ተጣጣፊ፣  ነጫጭ  ክብ ዘንጎች ነው፡፡ እያንዳንዱ ዘንግ 75ሚ.ግ ሌቮኖርጀስትሪል  አካላዊ ቅመም ያያዘ ነው፡፡  ሆርሞኑ በዝግታ እና ቀጣይነት ባለው መልኩ  ለሶስት አመታት ያህል እየተለቀቀ እርግዝናን ይከላከላል፡፡ ሶስት አመት ከሞላው በኋላ ከሴቷ ክንድ ውስት መውጣት ያለበት ሲሆን ሴቷ በቀጣይነት መጠቀም ከፈለገች በአዲስ መተካት ይኖርበታል፡፡