ሎንግአክት (ኮፐር-ቲ 380ኤ) በማህፀን ውስጥ የሚቀመጥ የእርግዝና መከላከያ ትንሽ፣ ተጣጣፊ እና ቀጭን የመዳብ ጥቅል በላዩ ከያዘ ፕላስቲክ የተሰራ ነው፡፡ ሎንግአክት የእንግሊዝኛ ፊደል “T”ን የሚመስል ቅርፅ ያለው ሲሆን፤ በታችኛው ጫፉ ላይ የሚገኝ ባለቀለም ተንጠልጣይ ክር መሰል ጭራ በማህፀን ውስጥ ከተቀመጠ በኋላ ቦታውን ሳይለቅ በተገቢው ሁኔታ መቀመጡን ለመፈተሽና ለማረጋገጥ ይጠቅማል፡፡ ሎንግአክት እስከ 12 ዓመታት እርግዝናን ይከላከላል፡፡ ሎንግአክት ለረጅም ጊዜ እርግዝና መከላከያነት ከሚሰጠው አገልግሎት በተጨማሪ እንደ ድንገተኛ የእርግዝና መከላከያ ዘዴም ጥቅም ላይ ይውላል፡፡
በማህፀን ውስጥ የሚቀመጥ
ሎንግአክት (ሉፕ)
አስተማማኝነቱ ምን ያህል ነው?
ሎንግአክት በማህፀን ውስጥ የሚቀመጥ የእርግዝና መከላከያ ዘዴ በዓለም ላይ ካሉ ዘመናዊ የእርግዝና መከላከያዎች ውስጥ እጅግ በጣም አስተማማኝ ውጤት ያለው ዘዴ ነው፡፡
በማህፀን የሚቀመጥ የእርግዝና መከላከያ ከሚጠቀሙ 100 ሴቶች መካከል በመጀመሪያው ዓመት እርግዝና ሊከሰት የሚችለው በ 0.7ቱ ላይ ብቻ ነው፡፡
ጤና ነክ ጥቅሞች
ሎንግአክት ወይም ዩ-ኬር እርግዝናን ከመከላከል በተጨማሪ የሚከተሉትን የጤና ችግሮች
ለመከላከል ይረዳል፡-
የማህፀን ግድግዳ ካንሰር እና
የማህፀን በር ካንሰ
ሎንግአክትን መጠቀም የሚችሉት እነማን ናቸው
ሎንግአክት በመውለድ እድሜ ክልል ውስጥ ላሉ ሴቶች ሁሉ ለማለት በሚያስችል ደረጃ ተስማሚና ምቹ የእርግዝና መከላከያ ነው፡፡
- በማንኛውም የእድሜ ደረጃ ላይ የሚገኙ
- ልጅ ያላቸው ወይም የሌላቸው
- ያገቡ ወይም ያላገቡ
ሎንግአክትን መጠቀም የማይችሉት እነማን ናቸው
- ያረገዘች ወይም እንዳረገዘች የምትጠረጠር ሴት
- መንስኤው ያልታወቀ የደም መፍሰስ ካለ
- ባለፈው አንድ ዓመት ጊዜ ውስጥ ሴቷ ለአባላዘር በሽታ ተጋልጣ ከነበረ
- ሴቷ ከማህፀን ውጪ የሚፈጠር እርግዝና አጋጥሟት የሚያውቅ ከነበረ ወይም
- ከማህፀን ውጪ ሊፈጠር ለሚችል እርግዝና ተጋላጭ ከሆነች
- በተፈጥሮ ወይም በሌላ ምክንያት የማህፀን ቅርጽና አቀማመጥ ላይ ችግር ካለ
- የማህጸን ቁስለት ካለ
የጎንዮሽ ችግሮች
አንዳንድ ተጠቃሚዎች እነዚህን ሪፖርት አድርገዋል
- በወር አበባ ላይ የሚከሰቱ ለውጦች ለምሳሌ፡- የወር አበባ መዛባት (በተለይ በመጀመሪያዎቹ 3 እስከ 6 ወራት) ማለትም
- በወር አበባ ጊዜ ብዙ ደም መፍሰስ እና ወር አበባ የሚፈስባቸው ቀናት መርዘም
- በወር ውስጥ በማንኛውም ቀን የሚከሰት የደም መፍሰስ
- በወር አበባ ጊዜ ሊሰማ የሚችል የሆድ ቁርጠት እና የህመም ስሜት መባባስ