ቾይስ በአፍ የሚወሰድ ባለጥምር አካላዊ ቅመም የእርግዝና መከላከያ እንክብል ሲሆን፤ የተሰራውም በተፈጥሮ በሴቶች አካል ውስጥ የሚመረቱትን ኤስትሮጅን እና ፕሮጀስትሮን አካላዊ ቅሞች (ሆርሞኖች) ከሚመሳሰሉ በጣም ዝቅተኛ መጠን ካላቸው ኤስትሮጅን እና ፕሮጀስቲን የተባሉ በሳይንሳዊ መንገድ የተፈበረኩ ንጥረ ነገሮች ነው፡፡
በቾይስ እሽግ ውስጥ የሚገኙት የእርግዝና መከላከያ እንክብሎች ሁሉም ባለእኩል መጠን የኤስትሮጅን እና ፕሮጀስቲን ይዘት አላቸው፡እያንዳንዱ የቾይስ እሽግ ባለ 28 ፍሬ ሲሆን፤ ይዘታቸው ሌቮኖርጀስትሪል 0.15 ሚ.ግ + ኢትናይልእስትራዲዮል 0.03 ሚ.ግ የሆነ 21 ነጭ የእርግዝና መከላከያ እንክብሎች እና ይዘታቸው ፌረስ ፉማሬት 75 ሚ.ግ የሆነ 7 ቡኒ የአይረን እንክሎችን ይይዛል፡፡
አስተማማኝነቱ እንደ ተጠቃሚዎቹ የአጠቃቀም ሁኔታ ይወሰናል፡: ሴቷ የቾይስ እንክብል የያዘውን አዲስ እሽግ ሶስት ቀናት እና ከዚያ በላይ ዘግይታ ከጀመረች ወይንም የእንክብል እሽጉን በምትጀምርበት ወይም በምትጨርስበት ቀናት አካባቢ ለሶስት ቀናት እና ከዚያም በላይ የእርግዝና መከላከያ እንክብሉን ሳትወስድ ከቀረች እርግዝና የመከሰት እድሉ ከፍተኛ ነው፡፡
የቾይስ እንክብል በትክክል ከተወሰደ እና አወሳሰዱ ላይ ችግር ከሌለ እንክብሉን ከሚጠቀሙ 1000 ሴቶች ውስጥ በመጀመሪያው ዓመት ውስጥ እርግዝና ሊከሰት የሚችለው በ 3ቱ ሴቶች ላይ ብቻ ነው፡፡ ይህም ከአንድ ከመቶ በታች ነው፡፡
የቾይስ እንክብል ስትጠቀም የነበረች ሴት እንክብሉን መውሰዷን በመተው ለማርገዝ ብትፈልግ ወዲያውኑ ማርገዝ ትችላለች፡፡
ቾይስ ኤች.አይ.ቪ ፣ ሄፓታይተስ ቢ እና ሲ የተሰኙ የጉበት በሽታዎችን ጨምሮ ከማናቸውም ተላላፊ የአባላዘር በሽታዎች አይከላከልም፡፡
ቾይስ እርግዝናን ከመከላከል በተጨማሪ የሚከተሉትን የጤና ችግሮች ለመከላከል ይረዳል፡-
ቾይስ በአጠቃላይ ለሁሉም ሴቶች ተስማሚ እና ምቹ የእርግዝና መከላከያ ዘዴ ነው፡፡ ቾይስን መጠቀም የሚችሉ ሴቶች፡-
ምንም የማህፀን በር እና የማህፀን አካባቢ እንዲሁም ምንም ዓይነት የላቦራቶሪ ምርመራ ሳያደርጉ ለእርግዝናመከላከያነት መጠቀም መጀመር ይችላሉ፡፡
አንዳንድ ተጠቃዎች እነዚህን ሪፖርት አድርገዋል
