መላ-ዋን በአፍ የሚወሰድ የድንገተኛ እርግዝና መከላከያ እንክብል ነው፡፡ ይህ የድንገተኛ እርግዝና መከላከያ ዘዴ በማስገደድ ወይም ባልተጠበቀ ሁኔታ በተከናወነ ጥንቃቄ በጎደለው የግብረስጋ ግንኙነት ሳቢያ እንዲሁም የታወቀ ወይም የሚጠረጠር የሌሎች የእርግዝና መከላከያ ዘዴዎች አለመስራት ሲኖር ሊከሰት የሚችለውን ያልተፈለገ እርግዝና የግብረስጋ ግንኙነት በተፈጠረ በ72 ሰዓታት ጊዜ ውስጥ ለመከላከል የሚጠቅም ነው፡፡
መላ-ዋን ባለነጠላ አካላዊ ቅመም የያዘ ሲሆን የተሰራውም በሴቶች አካል ውስጥ በተፈጥሮ ከሚመረተው ፕሮጀስትሮን አካላዊ ቅመም (ሆርሞን) ጋር ከሚመሳሰል ፕሮጀስቲን ከሚባል ንጥረነገር ነው፡፡ እያንዳንዱ የፋሲል-ዋን እሽግ በውስጡ አንድ ባለ 1.5 ሚ.ግ ሌቮኖርጀስትሪል እንክብል ይዟል፡፡
እርግዝናን የመከላከል አስተማማኝነቱ እንደ ተጠቃሚዎች አጠቃቀም ይለያያል፡፡ እንክብሉ ጥንቃቄ የጎደለዉ የግብረ-ስጋ ግንኙነት በተፈጸመ በ72 ሰዓታት ጊዜ ውስጥ መወሰድ አለበት፡፡ ጊዜዉ እየጨመረ ሲሄድ የመከላከል አቅሙ እየቀነሰ ስለሚሄድ የድንገተኛ እርግዝና መከላከያ ዘዴዎችን ወዲያውኑ መውሰድ ያስፈልጋል፡፡
መላ-ዋን በማስገደድ ወይም ባልተጠበቀ ሁኔታ በተከናወነ ጥንቃቄ በጎደለው የግብረ ስጋ ግንኙነት ሳቢያ ሊከሰት የሚችለውን እርግዝና ለመከላከል የሚወሰድ እንክብል እንጂ በዘላቂነት የሚወሰድ መደበኛ የእርግዝና መከላከያ ዘዴ አለመሆኑ መታወቅ ይኖርበታል፡፡
መላ-ዋን ኤች.አይ.ቪን ጨምሮ ከማንኛውም ተላላፊ የአባላዘር በሽታዎች አይከላከልም፡፡
እርግዝና ላይ እስካልሆነች ድረስ ማንኛዋም ሴት ድንገተኛ የእርግዝና መከላከያ ዘዴን መጠቀም ትችላለች፡፡
ያረገዘች ወይም እንዳረገዘች የምትጠረጠር ሴት
